കാലഭൈരവന്‍

2011-08-18T02:48:00.000-07:00

Padmanaabhante Nidhi

2011-07-16T05:11:00.000-07:00

വിവാഹിതര്‍ക്ക് മാത്രം

2010-06-17T00:54:00.000-07:00

ദാമ്പത്യത്തില്‍ സ്നേഹ പരീക്ഷണം സര്‍വ സാധാരണം. പരിഭവങ്ങളുടെ അകമ്പടിയോടെ അത് കടന്നു വരും. കളിയാക്കലിന്റെ രസം പുരട്ടിയ വാക്കുകള്‍ നേര്പാതിയുടെ ചിരിക്കായി കാതോര്‍ത്തു തൊടുത്തു വിടും. അതിലെ ചില വക്കു പൊട്ടിയ വാക്കിന്റെ അരികു പിടിച്ചു അവള്‍ കയറും. ഒടുവിലാ രംഗം മൊബൈല്‍ ഫോണ് കട്ടുചെയ്യുന്നതിന്റെ ബീപ് ശബ്ദത്തില്‍ അവസാനിക്കും.
ഓരോ ഫോണ്‌വിളിയിലും അഗ്നിപരീക്ഷയുടെ ഒരു നാനോ പതിപ്പ് വിജയിച്ചു കയറണം.

മുതല മാഹാത്മ്യം

2010-02-25T03:21:00.000-08:00

ശബരിമല തീര്‍ഥാടന കാലത്താണ് ഞാന്‍ കേരളത്തിന്റെ വടക്കേ അറ്റത്തുള്ള കുമ്പള എന്ന സ്ഥലത്തുള്ള ശ്രീ അനന്ത പദ്മനാഭ സ്വാമി ക്ഷേത്രത്തില്‍ എത്തിയത്. മംഗലാപുരത്ത് നിന്നും മുപ്പത്തഞ്ചു കിലോമീടെര്‍ ദൂരമുണ്ട്.
ഈ ക്ഷേത്രം മൂന്നു ഭാഗവും വെള്ളത്താല്‍ ചുറ്റപ്പെട്ടാനുള്ളത് . ഏകദേശം രണ്ടായിരത്തി അഞ്ഞൂറോളം വര്‍ഷമാണ്‌ഇതിന്റെ പഴക്കം കണക്കാക്കപ്പെടുന്നത്. തിരുവനന്തപുറത്തുള്ള അനന്ത പദ്മനാഭ ക്ഷേത്രത്തിന്റെ മൂല സ്ഥാനം ഈക്ഷേത്രം ആണെന്നാണ് പറയപ്പെടുന്നത്‌. ഇവിടെ നിന്നും ഭഗവാന്‍ പോകാന്‍ തിരഞ്ഞെടുത്തു എന്ന് പറയപ്പെടുന്നഗുഹ ക്ഷേത്ര ജീവനക്കാരന്‍ എനിക്ക് കാണിച്ചു തന്നു.
ഈ ക്ഷേത്രത്തിലെ പ്രധാന ആകര്‍ഷണം കുളത്തില്‍ വസിക്കുന്ന മുതലയാണ് . ഏകദേശം അറുപത്തഞ്ചോളംവര്‍ഷമായി ഈ മുതല ഈ കുളത്തില്‍ ഉണ്ട്. തികച്ചും നിരുപദ്രവകാരിയാണ് ബാബിയ എന്ന് പേരുള്ള ഈ മുതല. ഈ മുതലയാകട്ടെ തികഞ്ഞ സസ്യബുക്കും. ക്ഷേത്രത്തിലെ നിവേദ്യ ചോറ് തന്നെയാണ് ഇതിന്റെയും ഭക്ഷണം. ക്ഷേത്രത്തിലെ ഒരു പ്രധാന വഴിപാടാണ് മുതലയൂട്ട്‌. ഭക്തരില്‍ പലരും മുതലയൂട്ടിന്റെ ഗുണഫലങ്ങള്‍അനുഭവിച്ചവരാനെന്നു ഒരു ജീവനക്കാരന്‍ തെളിവ് സഹിതം വ്യക്തമാക്കി. അത് കൊണ്ട് തന്നെ ഇവിടേയ്ക്ക് ഭക്തര്‍ആകര്‍ഷിക്കപ്പെടുന്നു.

ഇവിടുത്തെ വിഗ്രഹ നിര്‍മിതി നടന്നിരിക്കുന്നത് "കടുഷര്‍ക്കരപ്പാകതിലാണ് ". ഇതിനായി ആദ്യം ശൂല പ്രതിഷ്ഠനടത്തും. സാധാരണ വിഗ്രഹ നിര്‍മിതിയില്‍ ബാഹ്യ രൂപം മാത്രമേ നിര്മിക്കുകയുള്ള്. എന്നാല്‍ കടുശര്‍ക്കരപ്പാകനിര്‍മിതിയില്‍ എല്ലുകളും , ആന്തരിക അവയവങ്ങളും മുതല്‍ ആഭരണങ്ങള്‍ വരെ നിര്‍മിക്കുന്നു. പ്രത്യേകംതിരഞ്ഞെടുക്കുന്ന മരം കൊണ്ടാണ് അസ്ഥികള്‍ നിര്‍മിക്കുന്നത്. ഈ ആദ്യ ഘട്ട നിര്മിതിയെ ശൂല പ്രതിഷ്ഠ എന്ന്പറയുന്നു.
ശൂല പ്രതിഷ്ടക്ക് ശേഷം ശ്വാസ കോശം, ഹൃദയം, ഞരമ്പുകള്‍, നഖങ്ങള്‍ തുടങ്ങിയവ നിര്‍മിക്കുന്നു അതിനു ശേഷംമാംസ ഭാഗം . മാംസ ഭാഗങ്ങളുടെ സ്ഥാനത്ത് അറുപത്തിനാല് ഓളം ആയുര്‍വേദ മരുന്നുകള്‍ ആലെപനം ചെയ്യുന്നു. അവസാന പടിയായി അഷ്ട ഐശ്വര്യാ സിദ്ധിയുടെ പ്രതീകമായ സ്വര്‍ണം, വെള്ളി ലോഹങ്ങളും അലെപനംചെയ്യുന്നു.

ഓര്‍മയിലെ ക്ലാസ് റൂം

2010-02-25T01:55:00.000-08:00

ഇരുട്ട് തപസ്സിരിക്കുന്ന മൂലകളും
അഴുക്കു പിടിച്ച ചുമരുകളും
ആധ്യാക്ഷരങ്ങളുടെ തിരി കൊളുത്തിയത് ഇവിടെ വെച്ചാണ്

വൃദ്ധന്‍

2010-02-24T23:18:00.000-08:00

നടന്നു നടന്നു മനസ്സ് തേഞ്ഞു, വാറു പൊട്ടി.
ശൈശവം, ബാല്യം, കൌമാരം, യൌവ്വനം
സത്രങ്ങള്‍ അനവധിയായിരുന്നു.
കാലം കണ്ണുകള്‍ക്ക്‌ പോയ്‌ കണ്ണ് തന്നു
തിമിരമെന്നാരോ തിരുത്തി.
ഓര്‍മയ്ക്ക് മുകളില്‍ കട്ടിയുള്ള മൂടല്‍മഞ്ഞു
സ്മൃതി നാശമെന്നു മറ്റൊരുത്തന്‍

ഇന്നലെകളില്‍ ജീവിക്കുന്നവര്‍

2010-02-22T20:57:00.000-08:00

മുന്നിലിരുന്നു ചായ ഊതിക്കുടിക്കുന്ന മാഷെ നോക്കിയിരിക്കവെ ദയാനന്ദന്‍, മാഷിന്റെ സാന്നിധ്യമുണ്ടായിരുന്നഇന്നലെകളിലെക്കിറങ്ങി. നീട്ടിയ വിസിലിലൂടെ തന്റെ വരവറിയിക്കുന്ന ഡാനിയല്‍ മാഷ്. ഗ്രൌണ്ടില്‍ഇറങ്ങിയാല്‍ മറ്റൊരു കുട്ടിയായി അദ്ദേഹം മാറുമായിരുന്നു. സ്കൂളില്‍ ചില ഒഴിവു പിരിയഡില്‍ ക്ഷണിക്കാത്തഅതിഥിയായി അദ്ദേഹം വന്നു കയറും. അദ്ദേഹത്തെക്കാള്‍ മുമ്പേ കുടവയരാണ് ആദ്യം ക്ലാസ്സിലേക്ക് കയറിവരിക.

ചായ കുടി കഴിഞ്ഞു മാഷ്‌ ഗ്ലാസ് മേശമേല്‍ വച്ചു. പിന്നെ അടുത്തിരുന്ന ഉഴുന്ന് വട കയ്യിലെടുത്തു. എന്തെങ്കിലുംസംസാരിക്കുമെന്ന് കരുതി ഞാന്‍ മാഷുടെ മുഖത്ത് നോക്കി. മാഷാകട്ടെ പൂര്‍ണ ശ്രദ്ധയും വടയില്‍ തന്നെകേന്ദ്രീകരിച്ചു. ഞാന്‍ വീണ്ടും തിരിച്ചു നടന്നു.
സ്കൂളിലെ ഓരോ പരിപാടിയും ഉത്സവമാക്കാനുള്ള മാഷുടെ കഴിവ് അപാരമായിരുന്നു. ചുറ്റു വട്ടത്തുള്ള എല്ലാസ്കൂളുകളിലെയും സ്പോര്‍ട്സിന്റെ ചുമതലയും മാഷിന് തന്നെ ആയിരിക്കും. അത് കൂടാതെ വിവിധ സംഘടനകളുടെനേത്രിത്വതില്‍ നടക്കുന്ന ഫുട്ബോളിന്റെയും വോളിബോളിന്റെയും ഒക്കെ അമരത്തും മാഷ് തന്നെ ആയിരിക്കും. കൈയിലൊരു വിസിലുമായി അദ്ദേഹം കളിക്കളം മുഴുവന്‍ നിറഞ്ഞു നില്‍ക്കും. കളിക്കിടയില്‍ ഗാലറിയില്‍നിന്നുയരുന്ന ആരവങ്ങള്‍ തനിക്കു വേണ്ടിയാണെന്ന് ധരിക്കും. അപ്പോളദ്ദേഹം നിന്നിടത് നിന്ന് ഒന്ന് വട്ടംതിരിഞ്ഞു പതയുന്ന ഗാലറിയെ നോക്കി ഒന്ന് മന്ദഹസിക്കും, എന്നിട്ട് തലയില്‍ നിന്ന് തൊപ്പി ഊരി വയറിനോട്ചേര്‍ത്ത് ഒന്ന് കുനിഞ്ഞു നന്ദി പ്രകാശിപ്പിക്കും. പലര്‍ക്കും മാഷിന്റെ ഈ പ്രകടനം തമാശക്കുള്ള വകയായിരുന്നു. അദ്ദേഹത്തിനിത് ജീവിതത്തിന്റെ ഒരു ഭാഗമായിരുന്നു. കളിക്കളത്തില്‍ നിന്നും കളിക്കലതിലെക്കുള്ള യാത്രയില്‍ജീവിതത്തിലെ അനിവാര്യമായ പല കൂട്ടിചെര്‍ക്കലുകളില്‍ നിന്നും ഒഴിഞ്ഞു മാറി. വിവാഹം കുടുംബം അങ്ങിനെപലതിനെയും അദ്ദേഹം മാറ്റി നിര്‍ത്തി.

ജീവിതത്തില്‍ ഒരു സ്പോര്ട്സിലും പങ്കെടുക്കാത്ത തന്നെ മാഷിന് മനസ്സിലയിട്ടുണ്ടാകുമോ എന്ന് ദയാനന്ദന്‍സംശയിച്ചു. ബാക്ക് ബഞ്ചിലിരുന്നു ഒരു നേര്ച്ച പോലെ എല്ലാ പീരിടിലും മാഷന്മാരുടെ ശിക്ഷക്ക് വിധേയരായിപുരതാക്കപ്പെടുകയായിരുന്നു പതിവ്. ഞാനും രണ്ജിയും പിന്നെ ബാബുരാജും. പുറതാകട്ടെ നമ്മളെയും കാത്തു പത്തുഎ യിലെ ഷാജി ഉണ്ടാകും . അവന്‍ ആ ക്ലാസില്‍ നിന്നും പുരതാക്കപ്പെട്ടവനാണ്. പുറത്തിറങ്ങിയാല്‍ നമുക്ക്കൂട്ടിനായി മാഷും ഉണ്ടാകും. മാഷിന്റെ കൂടെ ഗ്രൌണ്ട് വൃത്തിയാക്കാനും മറ്റും പോകും. പണികഴിഞ്ഞാല്‍ മാഷ്രാഘവേട്ടന്റെ കടയില്‍ നിന്നും പൊറോട്ടയും കടലിശ്ടുവും വാങ്ങിത്തരും. കടയിലെത്തിയാല്‍ മാഷ്‌ നേരെ പോകുകതൂങ്ങിക്കിടക്കുന്ന നെന്ദ്രക്കുലയുടെ അടുത്തേക്കാണ്‌. , പിന്നെ കുല പിടിച്ചു ഒന്ന് കറക്കും , കുലയിലെ ഏറ്റവും വലിയപഴത്തില്‍ കണ്ണ് ഉടക്കുന്നത് വരെ കറക്കല്‍ തുടരും . ചിലപ്പോള്‍ രാഘവേട്ടന്റെ ശബ്ധമുയരും, അപ്പോള്‍ കറക്കല്‍നിര്‍ത്തി ഏറ്റവും വലിയ രണ്ടു പഴം ചീന്തിയെടുക്കും. അപ്പോഴേക്കും രാഘവേട്ടന്‍ ഗ്ലാസ്സ് നിറയെ ചായയുമായി വരും . ചായ ഗ്ലാസ്സിന്റെ മുകല്പ്പരപ്പു വരെ നിറയണം എന്ന് നിര്‍ബന്ധമാണ്‌. പിന്നെ പഴമുരിഞ്ഞു നേരെ വായിലേക്കിടുംഒരു രണ്ടു കടിക്കു തന്നെ ഒരു മുട്ടന്‍ പഴം അദ്ദേഹത്തിന്റെ വയറ്റില്‍ എത്തിയിരിക്കും. ആ സമയത്ത് നമ്മള്‍ നാല്പേരുടെയും കണ്ണുകള്‍ അദ്ദേഹത്തിലായിരിക്കും. ഷാജിയാകട്ടെ ആ\വന്‍ പോലും അറിയാതെ വായപോളിചിട്ടുണ്ടാകും.
അറിയാതെ ഒരു ചിരി പൊട്ടി, പിന്നിടാണ് മനസ്സിലായത് കണ്ണും നിറഞ്ഞിരുന്നു. ഇന്നലെകള്‍ അങ്ങിനെയാണ് , അവിടെയുണ്ടായ ചിരിയും കരച്ചിലും എല്ലാം ഇന്നിലേക്ക്‌ വരുന്നത് നേരിയ ഒരു നൊമ്പരത്തിന്റെഅകമ്പടിയോടെയാണ്. തിരിച്ച്ചെതിയപ്പോഴാണ് മനസ്സിലായത്‌ മാഷ്‌ തന്റെ മുഖത്തേക്ക് തന്നെ ഉറ്റുനോക്കുകയാണ്. "നീ എവിടെയാടോ പോയത്. " "ഞാന്‍ കുറെ ആയി നിന്നെയുന്‍ നോക്കിയിരിക്കാന്‍ തുടങ്ങിയിട്ട്. " "കണ്ണ് നിറഞ്ഞിട്ടുണ്ടല്ലോ".
"നീ ഇപ്പൊ മില്ട്രീലല്ലേ" ..
"അല്ല ഞാന്‍ ബംഗ്ലൂരാ " "മാഷിനെന്നെ മനസ്സിലായില്ലേ, ഞാന്‍ ദയാനന്ദന്‍ "
ആ എന്ന മൂളലോടെ മാഷെന്നെ ഓര്‍മയില്‍ തിരഞ്ഞു. കണ്ടെത്താന്‍ പറ്റിയില്ല എന്ന് മുഖഭാവത്തില്‍ നിന്ന്മനസ്സിലായി.
"കല്യാണം കഴിഞ്ഞോ ?" മാഷ് അന്വേഷിച്ചു.
"ഇല്ല .. നോക്കുന്നുണ്ട്, അടുത്തുണ്ടാകും. ".
"അതൊക്കെ സമയത്ത് തന്നെ നടക്കണം " പിന്നീട് ഇടവിട്ടിടവിട്ട് മാഷ് ഈ വാക്ക് ഉരുവിട്ടുകൊണ്ടിരുന്നു. " . അതൊക്കെ സമയത്ത് തന്നെ നടക്കണം ".......
മാഷ് മൌനിയായി...മനസ്സ് കഴിഞ്ഞ കാലത്ത്തെവിടെയോ ചെന്ന് തരച്ച്ചിരിക്കുകയാണ്. വര്‍ത്തമാനത്തിന്റെമട്ടുപ്പാവില്‍ നിന്ന് ഭൂതത്തിലെക്കാന് നാം ചൂണ്ടയിടാര്.
മാഷെ തിരിച്ചു കൊണ്ട് വരാനായി "മാഷിപ്പോ എന്താ ചെയ്യുന്നത്. "
"ഞാന്‍ ... ഞാന്‍ .. " വര്തമാനതിലെക്കുള്ള തിരിച്ചുവരവില്‍ അദ്ദേഹത്തിന്റെ വാക്ക് ഇടറി. പിന്നെ തുടര്‍ന്ന്.
"പിരിഞ്ഞിട്ടു ആറു കൊല്ലമായി. " അദ്ദേഹം നീളത്തില്‍ ഒരു ശ്വാസം ഉള്ളിലെക്കെടുത്തു , എന്നിട്ട് നീട്ടി പുറത്തേക്ക്വിട്ടു.
"ഇപ്പൊ കണ്ണിനു കാഴ്ച കുറവെന്നു പറഞ്ഞു ആരും വിളിക്കാറില്ല ."
"എനിക്ക് കണ്ണ് കാണില്ലാത്രേ".. "ആരും വിളിച്ചില്ലെങ്കിലും ഏതെങ്കിലും ഗ്രൌണ്ടിന്റെ മൂലയില്‍ ഞാനുണ്ടാകും ..."
"എന്റെ കുട്ടികളുടെ കളി കാണാന്‍ എനിക്കാരുടെയും ഒത്താശ വേണ്ട. അങ്ങിനെ എന്നെ ആര്‍കും ഒഴിവാക്കാന്‍പറ്റില്ല. "
അദ്ദേഹത്തിന്റെ കണ്ണുകള്‍ തിളങ്ങി.
ഇരുന്നിടത്തുനിന്നും തലയുയര്‍ത്തി മുകളിലേക്ക് നോക്കി. പിന്നിട് ഇരുഭാഗത്തേക്കും തിരിഞ്ഞു. അദ്ദേഹത്തിന്റെമുംബിലിപ്പോള്‍ താനോ ഈ ഹോട്ടെലോ ഇല്ലെന്നു ദയാനന്ദന് തോന്നി. ഗാലരിയിലുയരുന്ന ആരവങ്ങള്‍പിടിചെടുക്കനെന്ന പോലെ അദ്ദേഹം ചെവി കൂര്പിച്ച്ചു. പിന്നെ മെല്ലെ ഒന്ന് കുനിഞ്ഞു.
ഒടുവില്‍ തിരിച്ചു വന്നു. പിന്നീടു തിരിഞ്ഞു ഒരു ഗ്ലാസ്സ് വെള്ളം കൊണ്ടുവരാന്‍ പറഞ്ഞു. എന്നിട്ടെന്റെ മുഖത്ത് നോക്കിപറഞ്ഞു "ഇപ്പൊ കഴിക്കേണ്ട ഒരു ഗുളികയുണ്ട്. ഈ അവസാന കാലത്താ എന്നെ പ്രഷര് പിടിച്ചിരിക്കുന്നത്. "
ഗുളിഗക്ക് വേണ്ടി കീശയിലുല്ലതൊക്കെ എടുത്തു മേശപ്പുറത്തിട്ടു. ഞാന്‍ അദ്ദേഹത്തിന്റെ കീശയില്‍ നിന്നും ചാടിയവസ്തുക്കളെ നിരിക്ഷിക്കുകയായിരുന്നു.
നാലോ അഞ്ചോ ഗുളികകള്‍, അദ്ദേഹത്തിന്റെ ഫോട്ടോ ഒട്ടിച്ച പഴകിയ ഒരു പാസ്‌, അതിനിടയിലായി ഒരുവിസിലും. നോക്കി നില്‍ക്കെ എന്റെ കണ്ണുകളില്‍ വിസില്‍ ബലം വെച്ചു. അതിനെ പൂര്‍ണമായും ഉള്‍ക്കൊണ്ടു ഞാന്‍കണ്ണടച്ചു, ഇന്നലെകളിലേക്ക് ചെവികൂര്‍പ്പിച്ചു..ആ വിസില്‍ വിളിക്കായി.

വീണ്ടും പ്രതീക്ഷ

2010-02-19T23:43:00.000-08:00

ഇന്നത്തെ ചിന്തകള്‍ക്ക് ഇന്നലെയുടെ പകര്‍പ്പായിരുന്നു
ഇടയില്‍ ചില കൂട്ടിചേര്‍ക്കലുകള്‍
കാലത്തിന്റെ വിഴുപ്പു മണക്കുന്ന പത്രവാര്‍ത്തകള്‍
ദൂരെ വെളിച്ചത്തെ മറച്ചുകൊണ്ട്‌ പുക പടരുന്നു
അതിനിടയില്‍ ചുമച്ചു കൊണ്ട് ശ്വാസം മുട്ടുന്ന പ്രതീക്ഷയുണ്ട്.

(ഇതിനു ഒരു പേരിടുക )

2010-02-19T03:40:00.000-08:00

ഒരു പെണ്ണ് : നിങ്ങളെന്താ എന്റെ മുഖത്തേക്ക് നോക്കാത്തത് .
ഞാന്‍ : എന്റെ കണ്ണുകള്‍ നിന്റെ മുഖത്തേക്കുള്ള യാത്രയിലാണ്.
(അവള്‍ സംശയ ഭാവത്തില്‍ മൂളി )
ഞാന്‍ തുടര്‍ന്നു..
കണ്ണുകളുടെ അവസാന വിശ്രമ സങ്കേതം മാത്രമാണ് പെണ്ണിന്റെ മുഖം. അതിനാല്‍ നീ കാത്തിരിക്കുക.

പ്രതീക്ഷകള്‍

2010-02-19T03:09:00.000-08:00

പതിവുപോലെ പടിഞ്ഞാറ് ഇന്നുമൊരു മുങ്ങിമരണം നടന്നു.
ഇരുട്ടിലേക്ക് മാത്രം കൊളുത്തി വലിക്കുന്നെന്റെ ചിത്തത്തിന്
ഇന്ന് ഞാന്‍ അവസാന ബലിയിടും, കര്‍മ്മങ്ങള്‍ ചെയ്യും
നാളെയുടെ ഉദയത്തില്‍ ഞാനെന്റെ വിരലില്‍ പ്രതീക്ഷയുടെ ദര്‍ഭ അണിയും
മനസ്സുകൊണ്ട് ബലിയിടും .
കാക്കകള്‍ വരാതിരിക്കില്ല ...

ആത്മഹത്യാശ്രമം

2010-02-01T21:13:00.000-08:00

വേഗതയുടെ ലോകത്ത് ഉലകം ചുറ്റാനിറങ്ങിയ എന്നെ ഒരു വാഹനം തട്ടിയിട്ടു ..
പോലീസും ചാനലുകരുമെത്തി
എന്റെ മേല്ലെപ്പോക്കിനെ ജനം എസെമെസ്സിനാല്‍ വിമര്‍ശിച്ചു.
കാലം എനിക്കെതിരെ ആത്മഹത്യ ശ്രമത്തിനു കേസെടുത്തു.

വീട് - പിന്നെ മാറുന്ന നാടും

2008-11-27T10:36:00.000-08:00

"എടാ നിന്റെ മൊബൈല്‍ റിങ്ങ് ചെയ്യുന്നു " ബാത്ത് റൂമില്‍ നിന്നും കുളിച്ചു കൊണ്ടിരിക്കുമ്പോഴാണ് ഇളയമ്മയുടെ ശബ്ദം കേട്ടത് , വാതില്‍ പാതി തുറന്നു മൊബൈല്‍ വാങ്ങി. ഭാസ്കരെട്ടനയിരുന്നു... "ഞാനിപ്പോ എത്തിയതെ ഉള്ളു, എക്സ്പ്രസ്സ് കിട്ടിയില്ല ലോക്കലിനാണ് വന്നത്. " പതിനൊന്നു മണിക്ക് ബസ്‌ സ്റ്റാന്റില്‍ കാണാം എന്ന് പറഞ്ഞു ഫോണ്‍ വെച്ചു.
"പണ്ടത്തെ കാലമല്ല ഇപ്പൊ സ്ഥലത്തിനൊക്കെ എന്താ വില " ചൂടു ചായ തന്നു കൊണ്ടു ഇളയമ്മ പറഞ്ഞു. "അപ്പുറത്തെ നായര് കല്യാണിയുടെ വീട് , ശരിക്ക് പറഞ്ഞാല്‍ ഒരു വഴി പോലും ഇല്ല .. ഈ കഴിഞ്ഞ വാവിന്റെ തലേന്ന് കാസര്‍കോട്ടെ ഒരു മാപ്പിള ഏഴ് ലക്ഷതിനാ കച്ച്ചോടാക്കിയെ, ആ വീടിന്റെ ചുമരൊക്കെ ഇപ്പോഴും വെറും മണ്‍ കട്ട ആണ് . ഉള്ളതോ വെറും നാല് സെന്റ്".
പതിനഞ്ചു വര്ഷം കോണ്ട് ഒരു പാടു മാറി.....ഓണത്തിനും വിഷുവിനും മുഖം കാണിക്കാന്‍ മാത്രമുള്ള വരവ് , നാട്ടില്‍ സ്ഥലമെടുത്തു വീട് വെക്കാം എന്ന് വെച്ചാല്‍ ഒരു പാടാണ് ... അമ്മാവന്റെ ഈ വാക്കാണ്‌ വില്‍പ്പനക്ക് വെച്ച വീട് തന്നെ വാങ്ങാം എന്ന് കരുതിയത്‌. കൂടെ ജോലി ചെയ്യുന്ന സലാം അവന്റെ നാടായ മലപ്പുറത്ത്‌ വീടെടുത്ത് മാറിയിട്ട് ആറ്മാസമേ ആയുള്ളൂ. കഴിഞ്ഞ മാസം അവന്റെ കല്യാണവും കഴിഞ്ഞു . ബന്ങലൂരിലെ ജോലി ബോണ്ട് കട്ട് ചെയ്താണ് അവന്‍ രാജി വെച്ചത്. ഇപ്പൊ റെച്ച്നോപര്‍കിലാണ് ജോലി. ഷിഫ്റ്റില്‍ നിന്നും ശിഫ്ടിലെക്കുള്ളമാറ്റം അവനെ വല്ലാതെ മടുപ്പിച്ചിരുന്നു. നാട്ടിലേക്കൊരു ട്രാന്‍സ്ഫറിനു ശ്രമിച്ചെങ്കിലും തരമായില്ല...അങ്ങിനെയാനവന്‍ ആ ജോലി ഉപേക്ഷിച്ചത്.. നാട്ടിലാണെങ്കില്‍ മാസത്തില്‍ ഒരു രണ്ടു ഹര്തലെങ്ങിലും ഉണ്ടാകും ഒന്നു അടിച്ച് പൊളിക്കാനായി.. എന്നനവന്‍ എപ്പോഴും പറയാറ്.. ബിവരെജിലെ കുപ്പിയും പിന്നെ രണ്ടു കിലോയോളം കോഴിയും...
"എന്താ പോകുന്നില്ലേ " ഇളയമ്മയുടെ ചോദ്യം ചിന്തയില്‍ നിന്നുണര്‍ത്തി. "പോകുമ്പോ അമ്മാവനെ കൂടെ കൂട്ടിക്കോ , വീട് ബോധിച്ച സംസാരിക്കാന്‍ മുതിര്ന്ന ഒരാളുള്ളത് നല്ലതാ. പിന്നെ വീടിന്റെ മുഖം തെക്കൊട്ടാനെങ്കില്‍ വേണ്ട..ബോധിച്ചാല്‍ പിന്നെ സ്ഥലത്തിന്റെ ആധാരത്തിന്റെ കോപ്പി ഒന്നു വാങ്ങിക്കോ ...നമുക്ക മാധവ കണിയാരെ കൊണ്ടു ഒന്നു നോക്കിക്കാം ". ഞാന്‍ വെറുതെ ചിരിച്ചു... " ഞാന്‍ പറയുമ്പോ എല്ലാവര്ക്കും തമാശയാ ..പടിഞ്ഞാറെ കാര്ത്യനീന്റെ കാര്യം അറീലെ... പാമ്പ് കടിച്ചു ഓളെ പുര്വാന്‍ ചത്ത്തപ്പോഴേ കണിയാര് പറഞ്ഞതാ ആ വീടിനു പോതീന്റെ നോക്കുന്ടെന്നു ...ഇപ്പൊ ഓളെ മോനും....
"അതവനു എന്തോ അസുഖം വന്നത് കൊണ്ടല്ലേ."
" സൂക്കേട്‌ വന്ന എല്ലാരും ചാവ്വോ "
ഇളയമ്മയോട് തര്‍ക്കിക്കാന്‍ നിന്നാല്‍ വന്ന കാര്യം നടക്കില്ല..യാത്ര പറഞ്ഞു പിരിഞ്ഞു...
വഴിയരികിലെ ഓരോ വീടിനെയും ആര്‍ത്തിയോടെ നോക്കി , കെട്ടിലും മട്ടിലും എല്ലാം പുതുമയുള്ളവ. രണ്ടു നിലയുള്ളവ , ചിലതാകട്ടെ എല്ലാം മാര്‍ബിള് പാകിയവ . മൊബൈല്‍ വീണ്ടും ശബ്ദിച്ചു , ഭാസ്കരേട്ടന്‍... നേരിട്ടിതുവരെ കണ്ടിട്ടില്ല ഫോണിലൂടെ തന്നെ ആയിരുന്നു പരിചയപെട്ടതും മുനിസിപ്[അലിട്ടിയിലെ പ്യുനായ ധയനണ്ടാനയിരുന്നു എര്പടക്കിയത് . ധയനന്ധനെ അധികം വിശ്വസിക്കെന്ദ്എ എന്നാണെല്ലാവരും പറഞ്ഞതു.. അവന്‍ അഞ്ചു കൊല്ലം എന്റെ ക്ലാസ് മേറ്റ്‌ ആയിരുന്നു.. പട്ടിക വിഭാഗംയാതിനാല്‍ പിടിസി കഴിഞ്ഞ ഉടനെ ജോലി കിട്ടി. ഇപ്പൊ ചില്ലറ സ്ഥലത്തിന്റെ കച്ചോടവും ഉണ്ടെന്ന കേട്ടത്. . ഇപ്പൊ നോക്കാന്‍ പോകുന്ന സ്ഥലം കചോടമായാല്‍ ഇവനും ഉണ്ടാകും കമ്മീഷന്‍ എന്നാണ് അമ്മാവന്‍ പറഞ്ഞതു... " ഓനാരാ മോന്‍ അറിയോ"

തോളിലൊരു ബാഗും പിടിച്ചു , നെറ്റില്യില്‍ ചന്ടനക്കുരിയുമിട്ടു ..അങ്ങനെ ഒരു രൂപത്തെ മനസ്സില്‍ പ്രതീക്ഷിച്ചു ബുസ്സ്ടണ്ടില്‍ നിന്നു.
" വിശ്വനതന്‍" വിളി കേട്ടാണ് തിരിഞ്ഞു നോക്കിയത്.. പാന്റ്സും ഷര്‍ട്ടും ഇട്ടു ആറടി പൊക്കത്തില്‍ ഒരു സുമുഖന്‍ ...
"ഞാന്‍ ഭാസ്കരന്‍" . അയാള്‍ നേരെ കാര്യത്തിലേക്ക് കടന്നു .
"പിന്നെ നിങ്ങളുടെ റേഞ്ച് എത്ര വരെയ"
ഒരു എട്ടിനുള്ളില്‍
"എട്ടോ", "ഇപ്പൊ സ്ഥലത്തിന്റെ വിലയൊക്കെ അറിയാലോ ..കഴിഞ്ഞ മാസമാണ് അവിടെ പുതിയ വാട്ടര്‍ പാര്‍ക്ക് വന്നത്....അടുത്ത് തന്നെ ഐടി പാര്കും വരും..
" വടക്കോട്ട്‌ വില്ല കുറവായിരിക്കുമാന്നു കരുതിയാണ് ദൂരെ ആയാലും മതിയെന്ന് വെച്ചത്"...ഞാന്‍ പിടിച്ചു നില്കാനായി പറഞ്ഞു.
അരമണിക്കൂറോളം ബസ്സില്‍ സഞ്ചരിച്ചു കാണണം , ഞാന്‍ പിന്‍ സീറ്റിലിരുന്ന ഭാസ്കരേട്ടനെ തിരിഞ്ഞു നോക്കി ...
" ഇനി ഒരു പത്ത്ഉ മിനിറ്റു "
ചുട്ടു പൊള്ളുന്ന വെയില്‍ , ബുസ്സ്റൊപില്‍ ഓലമറച്ച ഒരു ചായക്കട. അടുത്ത് തന്നെ ഒരു ബാര്‍ബര്‍ ഷോപ്പ്. കൈയില്‍ കത്രിക പിടിച്ചു ഒരാള്‍ പുറത്തേക്ക് വന്ന. ഭാസ്കരേട്ടനെ കണ്ടു കൈ വീശി ,
" എന്താ മാഷേ ഇന്നു സ്കൂളില്ലേ" .. കണ്ടിട്ടൊരു പാടായല്ലോ" ഒറ്റ ശ്വാസത്തില്‍ തന്നെ അയാള്‍ ചോദിച്ചു.
" ഇല്ല ലീവാക്കി"
നീ ഒന്നിങ്ങോട്ടു വന്നെ"
വെയിലെല്‍കതിരിക്കാനായി ഞാന് അമ്മാവനും അയാളുടെ കടക്കരികിലേക്ക് പോയി. . തിരിയുന്ന കുഷ്യനുള്ള കസേര, കോളര്‍ ഫാന്‍...ചുമരില്‍ ഹിന്ദിയിലെയും മലയാളത്തിലെയും താരങ്ങള്‍ , ഞാന്‍ മറ്റൊരു ഫോട്ടോയ്ക്ക്‌ വേണ്ടി നാള് ചുമരും തേടി..
ഇല്ല കണ്ടില്ല
ഭാസ്കരേട്ടന്‍ വിളിച്ചു..
രണ്ടു മൂന്ന് വീടുണ്ട് ....ഒന്നൊന്നായി കാണാം ...ഞാന്‍ ചുറ്റിലുമുള്ള പാറയിലേക്ക്‌ നോക്കുനത് കണ്ടു അയാള്‍ പറഞ്ഞു.." ഇവിടെ നിന്നും അടുത്ത സ്റൊപ്പന് ചീമേനി...അതാ ആ കാണുന്ന ഇടതാണ് ഐടി പാര്കിനു വേണ്ട സസ്ഥലം തിരഞ്ഞെടുത്തിരിക്കുന്നത്. " ഞാന്‍ വെയിലേറ്റു തിളങ്ങുന്ന ആ പറക്കൂട്ടതിലേക്ക് വെറുതെ നോക്കി ചിരിച്ചു..
വേണമെങ്ങില്‍ ഈ റോഡ് സൈഡില്‍ കാണുന്ന സ്ഥലമൊക്കെ കിട്ടും...പക്ഷെ വീട് വെക്കാന്‍ വാങ്ങുന്നത് വിഡ്ഢിത്തമാണ് . ഇപ്പൊ സെന്ടിനിവിടെ അമ്പതാണ് നടക്കുന്നത്. ഒരു മാസത്തിനുള്ളില്‍ അത് അറുപതാകും ..ഇപ്പൊ അമ്പതിന് നിങ്ങലെടുതല്‍ അടുത്തമാസം ഈ ഞാന്‍ തന്നെ നിങ്ങള്‍ക്കിത് അറുപതിനു കചോടക്കി തരാം . ഇവിടുത്തെ റോഡ് വക്കില്‍ കാണുന്ന സ്ഥല മൊക്കെ ഇങ്ങനെ ഓരോരുത്തര്‍ വാങ്ങി വെച്ചിരിക്കുകായ...
ഞാന്‍ എല്ലാം മൂളിക്കേട്ടു. എന്റെ മൌനം അയാളെയും നിശബ്ധനക്കി. പിന്നീടയാള്‍ നടത്തം വേഗത്തിലാക്കി.
....എല്ലാം മാറി...ഒരധ്യാപകന്‍ ലീവെടുത്ത്...
വലിയൊരു കയറ്റം കടന്നു ഞങ്ങള്‍ ഒറ്റയടി പാതയിലെത്തി .
"മുപ്പത്തേഴു സെന്റ് സ്ഥലമുണ്ട് , മുന്നുട്ടിഅരപതഞ്ഞു ദിവസവും വെള്ളമുള്ള കിണറുണ്ട്. വെള്ളമാണെങ്കില്‍ കണ്ണാടി പോലുണ്ട്. എന്ത് നട്ടാലും തൈകും മാഷ് വര്‍ണന തുടങ്ങി. " വല്ലതും നയിച്ചുണ്ടാക്കണമെങ്കില്‍ ഇതു പോലുള്ള സ്ഥലത്തെ പറ്റു" അമ്മാവന്‍ മൌനം ബന്ജ്ജിച്ചു .
"വീട് തെച്ചിട്ടില്ല... കരിപിടിച്ച അടുക്കള , അടുപ്പില്‍കുണ്ടില്‍നിന്നും ഒരു പൂച്ച പുറത്തേക്ക് ചാടി.. ചങ്ങല വിളക്ക് തൂങ്ങുന്ന പടിഞ്ഞാറ്റ. ചുമരില്‍ അയ്യപ്പനും മുത്തപ്പനും , ആകെ ഒരു പുകമറ പോലുള്ള മുറികള്‍ ...പടിഞ്ഞട്ടയിലെ ദൈവങ്ങളുടെ കണ്ണിലും ആ തിളക്കകുരവ്ഉണ്ടെന്നു എനിക്ക് തോന്നി..
മാഷ് അമ്മാവനോട് സ്ഥലത്തെ കുറിച്ചു അടിച്ച് കസരുകയാണ് . ഞാന്‍ ഇടയ്ക്കു കയറി
" ഇനി എവിടെയാ"
മാഷ് പിടിച്ചു നിര്‍ത്തിയത് പോലെ സംസാരം നിര്ത്തി...
രണ്ടും മൂന്നും കഴിഞ്ഞു .
"ഇനി ഒരു വീടിണ്ട് , മുന്പില് മാത്രം വര്തതാണ്... പിന്നിലോക്കെ ഓടാണ്.. പിന്നൊരു കാര്യം ..
" വേറെ ഒരാളും നിങ്ങലോടിതോന്ന്നും പറയില്ല
ആ വീടിന്റെ പിറകിലെ ചുമരൊക്കെ മന്‍ കട്ടയാണ് . പത്താന്‍അവര്‍ ചോദിക്കുന്നത് . ഞാന്‍ വേണമെന്കില്‍ ഒമ്പതിന് കചോടക്കിതരം . സമര്‍ത്ഥനായ ഇടനിലക്കാരനെ പോലെ മാഷ് തുടരന്.
വീടെനിക്കിഷ്ടമായി.... വെളിച്ചം കയറി ഇറങ്ങുന്ന വീട് . ത്രസ്സായ മുറികള്‍ .. വിശാലമായ പറമ്പ്....
എന്റെ മുകതുനിന്നും മാഷതു വായിച്ചറിഞ്ഞു...
"പിറകിലെ ചുമരൊക്കെ നമു‌ക്ക് പിന്നെ ശരിയാക്കി എടുക്കാവുന്നതെ ഉള്ളു. അപ്പൊ വേണമെന്കില്‍ അടുക്കലബാഗത്തുള്ള സ്ഥലം കൂടി ചേര്ത്തു വലിയൊരു റൂം തീര്കാം.
വീടിന്റെ ഉടമസ്തനെയും കൂടി മാഷ് കിണറ്റിന്‍ കരയിലേക്ക് പോയി. പോയ സ്ഥലത്തൊക്കെ ഞാന്‍ ശ്രദ്ധിച്ച കാര്യം വീടുടമസ്ഥന ഒരു കാര്യത്തിലും ഇടപെട്ടില , അവരെ പരിചയപ്പെടുത്താന്‍ തന്നെ മാഷിന് മടിയായിരുന്നു..
ഒറ്ട്ടിലാണ് തിരിച്ചത് ..." ആ കാണുന്ന സ്ഥലം മിനിയന്ന ഞാന്‍ കചോടക്കി കൊടുത്തത്...നാല്പതു" .
കുറച്ചു കഴിഞ്ഞ മാഷ് പിന്നെയും പുറത്തേക്ക് കൈ ചൂണ്ടി മറ്റൊരു സ്ഥലം കാണിച്ചു തന്നു. വലിയ രണ്ടു മൂന്ന് കണ്ടങ്ങള്‍....എല്ലാത്തിനും നടുവില്‍ പറ്റി കോടി കുത്തിയിരിക്കുന്നു . . അതൊരു ഗള്ഫ് കാരന്‍ വാങ്ങിയതാ...മുറിച്ചു വില്കാന്‍ നൂക്കി ...പര്ടിക്കാര് കൊടിയും കുത്തി. മാഷിന്റെ മുകത് അസ്വസമോ അതോ സന്തോഷമോ എന്ന് തിരിച്ചറിയാന്‍ പറ്റാത്ത ഒരു വികാരം ഒളി മിന്നി.
ബുസ്സ്ടണ്ടില്‍ വെച്ചു പിന്നെ വിളിക്കാം എന്ന് പറഞ്ഞു മാഷ് പിരിഞ്ഞു...
അമ്മാവനെയും കൂടി മുന്നോട്ടു നടന്നപ്പോള്‍ എതിരില്‍ രമണന്‍ ..
"നിനക്കെന്താടാ വീടിന്റെ കാര്യം എന്നോട് സൂചിപ്പിച്ചാല്‍ " ഇവനെങ്ങനെ ഇതരിഞെന്നു ഞാന്‍ അട്ബുധപ്പെട്ടു...എന്റെ പഴയ ഒരു സുഹൃത്താണ് കക്ഷി
നിന്റെ റേഞ്ച് എത്രയാ...
അതെ ചോദ്യം... ഞാന്‍ വിവരിച്ചു. ..
അവന്‍ ഒരു വീട് അഡ്രസ്സ് പറഞ്ഞു...എലാം കൃത്യം....നമ്മള്‍ അവസാനം പോയ ആ വീട്...
വിലയില്‍ മാത്രം അല്പം മാറ്റം . എന്റെ ചിന്തകള്‍ക്ക് മുകളില്‍ അവന്റെ സ്വരം കനത്തു .." പന്ത്രണ്ടാനവര്‍ പറയുന്നതു നിനക്കു വേണമെന്കില്‍ ഞാനത് പതിനോതുക്കിതരം . " ശരി ഞാന്‍ വിളിക്കാം"
അവന്‍ പോയ ഉടനെ ഞാന്‍ അമ്മാവന്റെ മുഖത്തേക്ക് നോക്കി.
അമ്മാവന്‍ മുകളിലേക്കും .